Laos na si Pauba, here comes The Pauba

510

2009-08-12T07:19:00.000-07:00

Kagabi pa gusto ni Sol ng Mcdonalds, yung Quarterpounder meal na go big time.

“Bihis ka na ate? Bat ang aga mo ngayon?” wika ni Mira habang ngumunguya.

Hindi pinansin ni Sol ang strawberry pancakes with whipped cream and choco syrup na niluto ni Mira para sa kanilang almusal ng kapatid dahil gusto niyang kumain ng Mcdonalds.

“Magmama-mcdo kasi ako bago pumasok e, sige bye.” Wika ni Sol kay Mira.

Makalampas ni Sol sa kusina ay dumiretso na ito palabas sa garahe at binuksan ang makina ng kanyang puting 1992 model na Toyota Corolla. Habang pinapainit ang makina ay itinapat ni Sol ang rear view mirror ng sasakyan sa kanyang mukha, hinawi ang bangs pakanan tsaka inipitan ito ng isang maliit na clip. Matapos ay kinuha ang fair complexion Godiva skin foundation sa maliit niyang bag sa loob ng kanyang office bag at pinahid ito sa buong mukha at leeg gamit ang kasamang make-up sponge ng foundation. Habang nagmemake-up ay binukbuksan naman ng kanilang boy na si Bong ang gate ng garahe, palagi itong walang t-shirt at mantikado ang dibdib tuwing makikita ni Sol.

“Shit” wika ni Sol ng lumampas ang lipstick na pinapahid sa labi sa kanang pisngi.

Habang nagmemake-up kasi sa harap ng rear view mirror ay hindi nito naiwasang mapatingin hanggang sa mapatulala sa nagpapawis na dibdib ni Bong na kanyang naaninag mula sa salamin. Dali-dali itong kumuha ng isang pirasong tissue sa tissue box sa ibabaw ng dashboard at ipinahid sa lumampas na marka ng lipstick. Tapos ay ibinalik na ang lipstick sa maliit na bag at ang maliit na bag sa kanyang office bag, inayos ang rear view mirror pabalik sa kaninang posisyon atsaka kumambyo ng reverse at umatras papalabas ng garahe.

Habang minamaneho ang 1992 model na Toyota Corolla palabas ng subdivision ay binuksan nito ang radyo, iniligay ang istasyon nito sa istasyon ng kanyang iTrip, tsaka inilagay sa shuffle ang kanyang iPod. Pagka-pindot ng next ay Careless Whispher ni Wham ang tumugtog na kanta, nilakasan ito ni Sol at iginewang ang bewang at pinasayaw ang mga daliri habang nakahawak sa manubela. Papalabas ng subdivision, tinanguan ni Sol sa likod ng kanyang hindi tinted na sasakyan ang guard on duty sa guard house at sumaludo naman ito pabalik.

“Im never gonna dance again guilty feet, I got no rythm” awit ni Wham habang nagbabatian si Sol at ang security guard.

Sa pagkakangiti at pagkakasaludo ng security guard kay Sol ay bigla niyang nakita ang imahe ni Bong sa kanyang isip, ang hubo niyang katawan at ang malalaki at nagpapawis niyang dibdib na kumikiskis sa—biglang may bumusinang sasakyan sa kaliwang likuran, tatlong malalakas at sunod-sunod na “BEEP” habang umo-overtake sa kanya. Malapit na siya sa Katipunan, kaya sa Mcdonald’s Katipunan na lang siya kakain ng Quarterpounder meal go big time na kagabi pa niya kine-crave, kaso bigla niyang naalala na 7:30 pa nga lang pala ng umaga, wala pang Quarterpounder meal sa Mcdonald’s.

Makarating sa Mcdonald’s naisip ni Sol na umorder na lang ng isang Sausage Egg Mcmuffin, isang Hashbrown at limang extra ketchup.

Carlo J. Caparas "Corruption of Culture" (Media in Focus, ANC)

2009-08-10T08:31:00.001-07:00

Part 1

Part 2

Part 3

Part 4

Part 5

Alamat ng Panggagahasa (itago na lang natin sa pamagat na Alamat ng Pinya)

2009-08-05T20:56:00.000-07:00

Noong unang panahon noong panahong mayroon ng mga tricycle, mga bandang kalagitnaan siguro ng unang panahon na ‘yun, habang on the works pa lang ang alamat ng Pinya, may isang batang babae na ang pangalan ay Gaga.

Hindi sumikat si Gaga katulad kung paano sumikat si Pina (sa Alamat ng Pinya) pero lingid sa kaalaman ng marami, si Gaga ang kapit-bahay na laging kalaro ni Pina sa labas tuwing inuutusan siya ng nanay niyang kunin ang kung ano man na laging “hindi niya makita”. Anyway, si Gaga ay tanga. Gustong-gusto ni Pina si Gaga dahil sunod lamang ito ng sunod sa kanya. Tuwing maglalaro sila, si Pina ang reyna at si Gaga ang mutsatsa, sa jack en poy kahit gunting si Gaga at papel si Pina, si Pina ang panalo.

“Gunting ako papel ka! Panalo ako” wika ni Gaga

“Gaga, ano ka ba. Hindi ito papel, plywood ito” sagot naman ni Pina.

“Oo nga! Akala mo naman di ko alam? Sinusubukan lang kita! Hehe” bawi ni Gaga

Ngunit habang tuwang-tuwa si Pina kay Gaga ay inggit na inggit naman si Gaga sa kanya. Wala ng nanay si Gaga, namatay ito ng minsang magkahiwalay ang motor at sidecar ng rumaragasang tricycle na sinasakyan nito, nahulog sa bangin ang sidecar kung saan ito nakasakay.

Tricycle drayber kasi ang ama ni Gaga at naka-ugalian na nito tuwing gabi ang makipag karera sa iba pang tricycle drayber sakay ang mga misis nila na siya ring kanilang mga pusta.

Bibihira ang pagkakataong ang nanay at tatay niya lamang ang umuuwi sa kanila pag gabi, kadalasa’y ang tatay niya lamang o kaya ang tatay niya, ang nanay niya at si aling Pining (ang nanay ni Pina). (Namatay ang asawa ni Aling Pina sa pagtatangkang sagipin ang nanay ni Gaga)

Studio-type na kubo ang tirahan nila Gaga at ng kanyang mga magulang, kaya hindi siya nagkaroon ng konsepto ng kalaswaan. Naging mulat at bukas si Gaga sa konsepto ng sex bilang isang gawain ng pagmamahal at pagkapanalo sa pustahan. Kaya naman kahit hindi pa nireregla ay napagbuntungan na ng frustration ng ama kapag natatalo sa karera. Ngunit kahit tanga si Gaga ay malakas siyang kutuban, kahit kailan ay hindi siya nakaramdam ng lukso ng dugo sa tatay niya at sa nanay niyang pumanaw. Ngunit tuwing nasa kubo nila si aling Pining ay iba ang kanyang nararamdaman, na kahit napaka-utusera ni aling Pining ay buong puso niya itong gustong pagsilbihan. Feeling niya si aling Pining ang tunay niyang ama at ina, kaya inggit na inggit siya kay Pina.

Isang araw, sinabi ni Gaga kay Pina ang pakikipag-sex ni aling Pining sa tatay niya at ang kutob niya na si aling Pining talaga ang nanay at tatay niya. Dahil dito nagbago ang tingin ni Pina sa nanay niya, naging cold siya kay aling Pining.

“Pina, paki-abot naman ng sandok” wika ni aling Pining

“Hindi ko po makita” sagot ni Pina kahit hawak na niya ito at gustong ihampas sa bumbunan ng ina

“Pina, paki-kuha naman ang karayum” wika ni aling Pining

“Hindi ko po alam kung nasan” sagot ni Pina kahit kanina pa niya ito inihalo sa sopas ng ina

Dahil dito naging close si aling Pining at si Gaga, sa kanya inilalabas ni aling Pining ang hinanakit, kunsumisyon at kalituhan sa mga ikinikilos ni Pina. Lalong napamahal si Gaga kay aling Pina hanggang sa gusto niya na itong angkinin, gusto niyang mawala ang tatay niya at si Pina sa buhay nila ni aling Pining.

Unti-unting nawala ang katangahan ni Gaga at nabalot siya ng kasakiman.

Isang araw habang may sakit si aling Pining at sumisigaw ng utos kay Pina na hindi niya pinapansin dahil naglalaro sila ng jack en poy ni Gaga

“Papel ako, bato ka! Talo” wika ni Pina

Tapos, gamit ang batong gesture sa kamay ay sinuntok siya sa noo ni Gaga at hinimatay.

Dinala ni Gaga ang walang malay na katawan ni Pina sa studio-type nilang kubo ng tatay niya at doon iniwan niya ito.

Dumating ang tatay ni Gaga na lasing at talo sa karera, at sa pag aakalang si Gaga ang batang babaeng tulog sa lapag, inilabas niya dito ang sama ng loob at sakit ng puson. Ngunit biglang nagising si Pina sa kalagitnaan ng panguurong-sulong ng tatay ni Gaga, at sumigaw ito ng “huwag po huwag po!”.

Naalimpungatan ang tatay ni Gaga, at laking gulat nito na hindi pala ang anak ang napag-buntungan ng sama ng loob, sa pagkataranta sa lakas ng sigaw ni Pina ay napakuha ng kutsilyo sa katabing lababo ang tatay ni Gaga at pinagsasaksak ang murang katawan ni Pina, nagtamo ng maraming butas ng kutsilyo ang katawan ni niya, hindi tumigil sa pananaksak ang ama ni Gaga hangga’t hindi ito tumitigil sa pag sigaw. Hanggang sa naubos ang dugo ni Pina, tumigil ang kanyang pag sigaw, nanigas ang buo niyang katawan, nagtaasan ang kanyang mga buhok

at sa kung anong kahiwagaan ay unti-unti siyang lumiit at naging bolang pahaba na magaspang na tadtad ng marka ng saksak at may matutulis na dahon sa taas.

"Sa loob ng mahabang panahon, magpapakarami at mananatili akong ganito hangga't may kahit isang nilalang na tulad mong lumalapastangan sa mga batang babaeng walang kamuwang-muwang!" Pananakot na wika ng nagsasalitang bagay.

Dahil sa nakita at narinig, tumakbo palabas ng kubo ang tatay ni Gaga at tumakbo pa palabas ng baryo

at tumakbo pa ng tumakbo hanggang sa ito’y mauhaw, magutom, mapagod at mamatay.

Saksi si Gaga sa lahat ng nangyari noong gabing iyon, at gulat na gulat sa pangyayari. Pagkatakbo ng tatay niya palabas ng kubo, dali dali niyang kinuha si Pina at iniligay sa bakuran ni aling Pining na parang isang tumubong prutas lang.

Kina-umagahan, nagpunta siya kay aling Pining umiiyak at sinabing iniwan na siya ng kanyang ama at nagtanong kung pwedeng magpa-ampon.

Umiiyak din si aling Pining habang yakap ang iniligay na Pina ni Gaga sa kanyang bakuran, dahil wala na daw ang kanyang pinakamamahal na si Pina at naging prutas na marami ang mata dahil sa pagbubulag-bulagan nito tuwing inuutusan niya, at oo pumayag siyang ampunin si Gaga.

Nang magutom ang dalawa, nagpumilit si Gaga na kainin ang prutas na tadtad ng "mata" (sa pag-aakalang sa ganitong paraan maglalaho habang buhay si Pina). Wala pa sa kalagitnaan ng pamimilit ni Gaga ay pumayag na agad si aling Pina, dahil gutom na gutom na rin siya.

“mmm, sarap nito a” wika ni aling Pining

“halong asim at tamis, nakakakilig!” wika ni Gaga

“kahit na medyo hassle siyang balatan, infairness rich yung flavor no?” wika ni aling Pining

“true” wika ni Gaga

“alam ko na, tawagin natin tong Pinya” wika ni aling Pining

"itanim natin yung buto para dumami!" wika ni Gaga.

Nang dumami ang tanim nilang pinya, binenta nila ang mga ito sa isang kumpanya na Del Monte ang pangalan at yumaman ng husto si Gaga at si aling Pina.

Gupit Barbero

2009-07-24T09:07:00.000-07:00

1. Facebook

Marunong na ko mag-Facebook! haha. Grabe iba pala talaga yung adrenalin rush na makukuha mo gabi-gabi sa pagpupuyat kakasagot ng mga "How well do you know" quiz at mga "Which starcinema female lead are you" kind of applications. haha

2. The BOT machine

Isa sa mga bagong kinahuhumalingan ngayon sa Facebook ay yung ka-botbotan ng isang Facebook user na gumawa ng isang Social Robot na kino-conquer ang mga ilusyon ng mga kawawang Facebook-ers. Nakaka-aliw siya. Well, na-aliw ako kasi madali naman akong ma-amaze e, di mo kailangang umeffort para matuwa ako. Makita lang kitang matapilok o pumiyok, buo na araw ko.

3. UP man may ibon ding lumilipad

Mayroong Ateneo Blue Eagles, La Salle Green Archers tapos UP Fighting Maroons. Bakit ganon, sa UP yung kulay yung mascot?

Bilang tiga-UP naman ako, lilinawin ko lang yung misconception na fighting color kami. May mascot din kami kahit papano, at hindi si Oblation yun.

Kung mapapansin mo yung UP seal, may ibon dun na naka spread yung wings, hindi yun Lawin. Parrot yun. (may mga nagtatalo pa rin, Eagle daw yun. Pwede rin, pero gawin na lang nating Parrot para wala ng isyu sa Ateneo) Maroon-fronted Parrot (Maroon at Green yung kulay nito, kung saan din binase ang color scheme ng UP) in particular, at yun ang sinasabing Fighting Maroons...Fighting Parrots. haha Si Oblation, ek-ek na lang yan pa-angas factor ng UP kung baga. Nagka-conflict kasi dun sa Parrot e, matalinong ibon man daw e gaya-gaya naman. At dahil hindi rin naman talaga sigurado kung anong ibon talaga yun (na ipinagpapalagay nating Parrot), siguro sinabi na lang na "ah! Maroon-fronted Parrot yan!" para pag ginamit yung Maroon sa Fighting Maroons, andaming pwedeng isipin ng mga tao. Pwedeng yung Maroon na Jamaican Tribe na lumaya sa pangaaalipusta ng mga Amerikano o yung Oblation na hindi na nila iisipin kung bakit, basta yun na lang bigla yung papasok sa isip nilang Maroon.

O diba, ang kulit ng UP, ma-utak na madaldal pa, tunay na Parrot talaga. haha

4. "Huli ka! Driving without sleep!"

Delikado mag-drive ang naka-inom o sabog, kasi syempre lutang ka at lumilipad ang utak, prone to accidents. E ganon din naman kung mag-drive ka ng puyat diba?

Dapat may batas din para dun! Kung may technology for drug and alcohol tests dapat meron ding sleeptest. Pasitib kung 5hours pababa ang tulog mo at negatib kung hindi. Sa mga checkpoint dapat ginagawa to, pwede sigurong may mga parang pregnancy test gadget yung mga pulis, kung saan papa-hikabin o papa-ututin (para medyo mas masaya) nila yung mga driver tas dun malalaman kung sapat na tulog ba sila o wala. Kung wala edi bitay.

5. Mag-tattoo ay di biro

Alam mo yung "Mag tanim ay di biro" na kanta? yung "Magtanim ay di biro, maghapong naka-yuko di naman makaupo di man lang makatayo..." wala lang, parang pasok din kung Mag-tattoo ay di biro e haha (dahil sa panonood ko kay Dyuntats habang nagtatattoo siya)

Mag-tattoo ay di biro
Maghapong nakayuko
Di naman makaupo (ng maayos)
Di man lang makatayo (ng maayos)

Sa tanghali pag gising
Lagi nang iisipin
Kung saan may pa-tattoo
Doon masarap ang inumin

Halina, halina, mga kaliyag
Tayo'y magsipag unat-unat
Magpanibago tayo ng lakas
Para sa balat ng bukas.

6. Sprite-up your life

Siguro sobrang boring ng Sprite (soda) sa Germany at wala siguro talagang bumibili, kaya may matalinong nag-suggest ng ganitong klaseng commercial na talaga namang mapapa-bili ka ng Sprite, dahil gugustuhin mong ma Sprite-up din ang life mo. HAHA

7. Citibank Fever: Lady na Gaga

May rumors, si GMA daw to. Pakulo niya, dito niya nilabas yung frustration niya sa mga perang hindi niya makuha. haha

"Kayong mga KUPAL kayo! hindi ko naiintindihan yung salitang yun pero naririnig ko! PUTANG INA NIYO!"

8. Kung bakla ka, bakla ka talaga. It's God's will.

Paano kung magka-amnesia ang isang bakla? Bakla pa rin kaya siya?

9. Magaling gumupit ng buhok ang bakla

pero iba pa rin talaga ang barbero. Swabe, mabilis, mabango at pulido.

Patikim ng Pinya

2009-07-20T20:43:00.000-07:00

Kausap ko si J Luna kahapon, nilelecturan niya ko tungkol sa larong Kisses (na sayang daw dahil hindi ko inabutan), Benjie Zax and the Alien Prince at Pinya.

Na ang Pinya daw ay hallucination lamang, isang imaheng ginawa ng mga sinaunang tao mula sa isang alamat ( alamat ng pinya , na malamang ay alam mo ang kuwento)--na hindi naman talaga isang tunay na alamat, kundi isang kuwento lamang ng kung sino, kung saan lumikha siya ng isang bagong elemento, bagong kaisipan at paniniwala sa anyo ng isang bagay na tinawag niyang Pinya. At dahil hindi naman uso ang TV Radyo at Internet noon, walang choice ang mga tao kundi maniwala sa mga kuwento-kuwento para maaliw.

Sa ginawang imahe ng kung-sino-mang-kuwentistang-ito-na-hindi-pa-napag-aalaman-kung-sino, tungkol sa Pinya na isang prutas-kunong hango sa isang ulo ng tao ang hitsura, bilang meron itong spikes na buhok (kung saan na rin hinango ang sikat na sikat na spikes hairstyle ngayon) at mukhang may mga mata, at bilang creative add-on na rin siguro ng hindi kilalang kwentista, dinesregard na niya ang paglalagay ng tainga, ilong at bibig sa halip tinadtad na lang niya ng mga mata ang mukha, at whoala pinangalanang Pinya ang Pinya--ay humakot ito ng atensyon sa iba't-ibang lupalop ng mundo. Hindi pa nagwawatak-watak ang mga kontinente noon at hindi pa dumadating si Jesus Christ...

(May Pinya ba sa Bible? wala diba? Hindi kumakain ng Pinya si Jesus at ang kanyang mga disipulo, kasi sobrang talino nila tinry nilang tapatan yung ilusyon na binigay ng Pinya, pero kung mapapansin mo hanggang ngayon marami pa rin umaargumento sa kanya, e sa Pinya? kami lang ni J Luna)

...ng maisalin ang kwentong ito sa iba't-ibang wika. Sa katunayan maging hanggang ngayon ay hindi pa rin nalalaman kung saang kultura, komunidad o bansa ba talaga nagmula ang kwento ng Pinya.

Noong mga panahon ng kasag-sagan nito ay naging napaka-lakas ng atake nito sa mga tao. Naging totoong-totoo sa kanilang imahinasyon ang konsepto ng Pinya at hindi lumaon ay unti-unti na itong tumatawid sa konsepto ng realidad ng bawat indibidwal tapos ay ng buong komunidad tapos ay ng buong mundo. Biglang nagkaroon ng mga pinya sa tahanan, sa palengke at kung saan pa man unconsciously gustong makita ito ng isang indibidwal. Ang mga dating disyerto't malalawak na lupain ay biglang nagkaroon ng nag-uusbungang mga Pinya na iba't-iba pa ang hugis at lasa. (yung kumpanya ng DOLE, yumaman ng walang puhunan, imagination lang)

Speaking of lasa,

Ang Pinya ay walang tiyak na lasa, wala pang napapatunayan sa mga pag-aaral kung ito ba talaga ay maasim o matamis dahil kahit ang mismong lasa nito ay umaayon lamang sa kontrol na ibinibigay ng imahinasyon ng isang indibidwal sa kanyang realidad. At dahil napag-alaman sa isang reliable na source na hindi maaring banggitin dito, na noong panahong na-uso ang Pinya ay dalawa pa lamang ang na-dedevelop na panlasa ng tao, (maasim at matamis) kaya ito ang kinilalang lasa ng sinasabing prutas-kuno na naging bahagi na ng paniniwala at kultura ng mga tao na pinasa-pasa na lang sa mga sumunod na henerasyon.

Kaya kung ikaw ay natatamisan sa Pinya, iyon ay dahil sa di-malay mong nais na maging matamis ang lasa nito. Ganoon din kung, maasim naman ang panlasa mo.

Dumaan man ang Big Bang Theory, Noah's Ark (na napag-alamang isa sa mga pananabotahe ni Jesus Christ para pabagsakin ang Pinya at siya ang mag-hari sa buong mundo) at kung ano pang kwento kung saan nalimas ang sanlibutan, ay nanatili pa ring buhay para sa mga sumunod na set ng tao ang kapangyarihan ng Pinya. Ang dating kwento ay naging alamat, ang imahinasyon ay naging hallucination. Hanggang ngayon ay hindi pa napag-aalaman kung gaano na katagal nililinlang ng Pinyang ito ang sanlibutan.

Kaya tuwing makakita ka ng Pinya, o kakain ka ng Pinya, mag-isip ka muna, pagnilayan ang pagilid at panandaliang ihiwalay ang imahinasyon sa realidad, unconscious sa conscious mind at kung ano pang dalawang elementong kontektado na maari mong paghiwalayin sa utak at kaluluwa mo (paghiwalayin mo rin yung dalawang yun) tsaka mo tanggapin ang katotohonan na ang Pinyang tinitignan o hinawakan mo ay hanging lumulutang lamang.

Ang Pinya ang tunay na sumakop ng ating mentalidad, kung bakit may masama o mabuti,Pinya ang dahilan. Dahil dito nagsimulang maniwala ang mga tao sa motto na "What I want, I get". Pinya ang ugat ng ka-sakiman. At hindi magkakaroon ng world peace hangga't may kahit isang bunga ng hallucination na ito na kinikilalang Pinya sa mundong ibabaw.

Cheesy Tamarind

2009-07-18T01:35:00.000-07:00

Kung ako ay gagawa ng tulang may isang tugma tungkol sa prutas at lolong tigang pero jologs at wholesome...

Ka-Sampalok

Ikaw ba ay may pangga, syota o sinta?

Kung oo, ano ang tawag mo sa kanya?

Mga matatamis na salita kaya?

Honeybunch, Sweetiepie o Cuppycake diba?

‘Pag ako’y nagka-syota, lalo na bata

ka-Sampalok, maririnig na salita.

‘Sing asim ng Sinigang na hinahanda,

at kasing tamis ng kending matataba.

E kung ikaw at ako ay maging tayo?

Itataya ko sa iyo aking puso.

Dahil kung ako sa iyo’y ihahalo,

Maglalaho, kulubot kong balat-kayo.

Asim ko mula buto’y muling iigting,

Humahalong tamis ay matitikman din.

Di man kaakit-akit sa unang tingin,

Tiyak sa akin, ikaw ay hindi bitin.

Lamang lang sa uso yang si Honeybunch mo,

Puro tamis ang ipapakain sa’yo.

Ngunit kung ang ka-Sampalok mo ay ako,

Sa asim at tamis tayo’y magsa-salo.

Ito ang pinaka baduy na homework na ginawa ko. To all the DOMs in the world, mother fucker! haha

Sustento para kay Furnando

2009-07-18T00:30:00.000-07:00

Sabi nga ni Furnando nung minsang nakulong ako sa banyo at sumisigaw ng saklolo,

"Sandali lang pauba! ise-save kita! *takbo sa pintuan-lagay ng dalawang kamay sa bewang-sabay sabing "okay ka lang?"*

ang sabi ko naman "Okay lang! malapit ko ng mabuksan, ayan bukas na."

Dear Furnando,

Habang nasa akin ang art-work mong ito, hindi ko makakalimutan kung paano mo ako sinave. Ikaw ang nagpalakas ng loob ko para mabuksan ang pintuang 'yon. :)

Gumawa nga pala ako ng FURfoundation!

"Kung may gusto kang ipa-drawing kay Fur mo ipa-drawing!"
Sa halagang P50.00, may drawing ka na, makakatulong ka pa sa taong hindi mo kilala! Dahil ang lahat ng kikitain ng foundation na ito ay mapupunta sa ipon ni Fur.

Ang medium nga pala ay G-tech .04 at Pentel Pen on Oslo.

We'll see you and You'll see us SOON.

2009-06-28T07:24:00.000-07:00

Bumalik na si JOHN CARILLO SA MIRIAM!!!!!! Kaya bumalik din ang mga ala-ala nung hayskul.

Nami-miss ko ang:

1.BGF kong si Jow Espino at ang mala-Carmela Ocampo (Claudine Barretto, Dahil Mahal na Mahal kita) niyang buhok.

2. Paghahatian sa pag-ibig kasama si Chup haha

3. Museo Pambata Gimik (Sana may mag-aya ulit mag Museo Pambata)

4. Magpa-picture sa mga picture with my demure and conservative pose

5. Magtaas ng kamay, habang butas pala yung kili-kili ng uniform ko

6. Magmultu-multuhan

7. Kumpare kong si Stan

8. Maging drummer na long-hair

9. Malulupit na baon sa TAZ kong lunchbox

10. at ang dahilan kung bakit ako nostalgic. hehe (alam ko someday pag natuluan siya ng luha mo magiging swan kayo)

Ang tagal kitang hinanap, babalik ka rin naman pala. haha We'll see you soon John Carillo!

P.S. Kung friend kita sa Facebook, sagutan mo yung ginawa kong QUIZ about myself! hahaha

Wala ka sa lolo kong panot at sa putang inang mahaba niyang buhok

2009-06-28T01:42:00.000-07:00

Binisita ko uli yung lolo ko nung isang araw. Nalulungkot ako pag bumibisita ako sa kanya, kamamatay lang kasi nung lola ko e. Pero buhay na buhay pa rin sa bahay niya yung mga litrato nila. Mag-isa na lang siya sa bahay ngayon kasama mga katulong, minsan dinadalan ko siya ng mga paborito niyang pagkain tulad ng iba't-ibang klase ng pansit at yung siopao na Jumbo sa Kowloon. Kahit nakatira lang naman siya sa tapat ng bahay namin at may kwarto naman siya sa dito, gusto niya dun sa bahay nila. Siya kasi ang gumawa nun e, self-thought architect kasi yung lolo ko. Huli lang siguro siya sa designs pero ang lupit niya mag-isip. Marami siyang tauhan at mga utusan na pinapagalaw para magawa ang "art" niya haha. Nakakatawa nitong huling bisita ko sa kanya, pagka-doorbell ko sa pintuan, pinagbuksan niya akong nakasakay sa HOMEMADE niyang bisikleta. Sabi niya "o ano okay ba? nanghihina na kasi yung tuhod ko kaya gumawa ako ng sarili kong bike" Actually tricycle siya kasi tatlo ang gulong, tapos walang kadena dun sa pinaka pedal haha. Alam niyo yung mga bike sa Burnham Park sa Baguio yung may monoblock chair na nakalagay sa driver's seat? (hindi yung pedicab a) ganon yung itsura nung ginawa niya! haha tas nagbabike lang siya sa loob ng bahay, (maluwag kasi dun sa bahay niya e) dun siya sumasakay pag bubuksan niya yung pinto, pupunta siyang banyo, pupuntang kusina at pag gusto lang mag-excersise. haha ang cute! Bago nga pala siya mag-imbento ng sarili niyang bike, nakagawa na rin siya ng sarili niyang TRICYCLE, as in literal oo may tricycle kami yung de motor haha. Ginawa niyang service nung "gopher/tiga bili niya ng mga materyales" na tao HAHA. I love my lolo. At eto pa, kaya pala halos lahat ng kapit-bahay namin e nanakawan na bukod samin e dahil ASTIGIN pala yung lolo ko nung araw, pag narinig nila yung Rico Dacanay o yung pangalan ng iba pang Dacanay na kapatid niya, naguurungan na ang mga sandata nila. haha

Kakanood ko lang kasi ng Secondhand Lions kaya Lolo-mode ako ngayon.

There's a place in your heart and I know that it is love.

2009-06-27T06:39:00.000-07:00

Dahil tapos na kong kumain at nagkukwentuhan, nagyoyosi at nagkakape pa ang mga matatanda.

1. May kumakanta ng Jai Ho sa tabi ko. Ang malupit dun, pare acoustic e. Acoustic. Alam mo yung grupo ng singers na lumalapit sayo sa mga restaurant, yung may mga dalang gitara at maracas tapos pwede ka mag-rekwes ng gusto mong kanta? Sila yun. Lumapit sila sakin na parang mga genie na lumabas sa lampara at bibigyan ako ng tatlong kahilingang kanta. haha Ang galing, ang galing. Natupad nila yung tatlong hiningi ko! 1. Jai-ho 2. Poker face 3. Boy-Beyonce (special rekwes ng tatay ko, sunod sa I'm yours yun ang paboritong kanta niya ngayon). Ang lupit man! babae yung lead singer, tapos back up yung mga lalakeng waiter na sumasayd line na musikero. "Catch me catch me catch me, Jai-ho! whoa whoa ooh!" may ganong second voice na nalalaman! Kuhang kuha nila yung Jai-ho! May choreography pa sa Poker Face gamit yung mga sandok at kawali na hawak nila.

Anyway nandito kasi ako ngayon sa Yellow Cab tagaytay, nagkakape. Kahit hindi naman ako mahilig magkape, para lang bumagay sa ambiance na overlooking, malamig, naka-laptop, naka-wifi.

2. Nalulungkot nga pala ako kasi namatay si Michael Jackson. Paborito ko siya nung bata ako e. Yung unang-unang VCD ko ever, as in yung pinaka unang VCD ko at namin sa bahay, e yung Michael Jackson History. Nandun yung mga music video niya ng Billie Jean, Black or White, The Way You Make Me Feel, Rock With You, Thriller at marami pang iba. Nung bata ako, isang buong araw yun lang ang pinapanood ko. Ah puta! Crush na crush ko si Michael nun. Ewan ko ba para sakin ang gwapo niya. Tapos pinandidirihan ako ng mga kalaro at classmates ko bakit ko daw gusto yun, so ayun nagpa-apekto naman ako sa society buong childhood ko tinago ko sa kanila na gusto ko si Michael Jackson, pag pinagtatawanan o nilalait nila si Michael nakiki-tawa at lait pa ko. Pero totoo nga yung sabi nila, "You'll never know a person's worth until he's gone". It's never too late to say "Michael, I love you too". So Michael, I love you too.

3. Gusto ko nga pala sumigaw ng Happy Birthday kay Khulet ngayon at bukas para kay Pol at Ninong. Happy Birthday you guys! I-kain niyo na lang ako sa mga party niyo, I'm with you in spirit. :D

4. Dahil tapos na silang mag-kuwentuhan, mag-yosi at mag-kape, uuwi na kami!

Ang Anonymous Mo

2009-06-23T06:54:00.000-07:00

Dahil sa dulo ng aking dila umiikot lang ang mga salita, lalabas ang mga ito na parang bula--ligaw at madaling mawala.

Magsisimula ang kwento sa isang lumang kahong nakalutang sa kawalan.

Isa, dalawa, tatlo, apat, lima, anim, pito, walo, siyam, sampung segundo, ito lang ang makikita mo. Iikutan ito ng iyong mga mata, bawat butas, bawat kanto. Walang kahit anong ingay na aalingawngaw, pero sa loob ng sampung segundo, maiipon sa utak mo ang mga sigaw.

Mawawala ang kahon at lilitaw itong muli, uulit ang sampung segundo, muling makikita ang mga butas at mga kanto. Mananatili ang katahimikan sa kawalan, ngunit sa utak mo lalakas ang sigawan.

Mawawala ang kahon, lilitaw ang kahon, uulit ang sampung segundo, makikita ang mga butas nitong hugis kamao at ang apat nitong kantong kwadrado. Ni bahid ng tinig sa kawalan ay wala ngunit mula sa iyong utak pababa sa katawan, gagapang sa’yong mga litid at ugat ang sigawan.

Mawawala ang kahon, lilitaw ang kahon, uulit ang sampung segundo, mga butas sukat sa sariling kamao at sa sariling mga paa sa mga kanto. Nawala sa iyong silay ang kawalan, nawala ang katahimikan at ang sigawan—lumabas sa iyong diwa ngunit hindi makawala sa kahon na iyong kinalalagyan.

Mawawala ang kahon, lilitaw ang kahon, uulit ang sampung segundo, mga butas babarahan ng iyong kamao hanggang braso, ang mga kanto mayuyupi at maiiba ng direksyon. Bubukas ang iyong bibig at sisigawan ang sariling tinig ngunit wala kang maririnig.

Ayaw mo ng pumikit, ayaw mo ng makita ang kahon muli. Ayaw mo ng pumikit, ayaw mo ng makita ang sarili sa loob ng kahon muli. Hindi ka pipikit, hindi ka pipikit. Ngunit sa iyong pagiging mulat hindi magtatapos ang bilang sa sampung segundo, paulit-ulit ang makikita mo.

labing isa labing dalawa,

lalalim, liliwanag

labing tatlo labing apat,

unti-unti kang liliit at makukulong sa loob ng kahon ng iyong panaginip.

Labing lima labing anim labing pito,

pilit kang didilat kahit mahapdi na’t umaagos na ang mga luha.

labing walo labing siyam,

pipilitin mong makita ang lahat, pipilitin mong sumilip sa mga butas at lumakad sa mga kanto,

dalawampu dalawampu't isa,

pinilit mong pakinggan ang katahimikan.

Dalawampu't da--

ngunit babagsak din ang iyong mga pilik sa labi ng iyong mga mata. Agad kang dididilat. Mawawala ang kahon, lilitaw ang kahon, uulit ang sampung segundo, muling magsisimula ang kwento.

Dahil

2009-06-21T04:33:00.001-07:00

Dahil ang "dahil" ay pwedeng pambara sa "Bakit?"

1: Bakit?
2: Dahil.
1: Ano?

"Ano?" na daw e, barado na yung "Bakit?". haha

1. Si Steven Black tsaka si Mike Sevilla sila yung mga kaibigan kong nakatira sa mga bahay bahay sa gilid ng Kamias Road. Mga ilang beses na namin sila pinakilala sa isa't isa pero talagang hindi sila maging close, nagkakahiyaan siguro. Bakit kaya? Pareho naman sila ng trip sa buhay, street smart, out of school, bisyo, rakenrol. Si Steven long hair na payat na tama lang ang tangkad tapos may balbas at bigote tapos si Mike Afro na matangkad hindi naman mataba pero malaki ang tiyan. Isang araw kausap namin ni Tricia si Mike,

Pauba: Hoy Mike, kahit kailan ba di pa kayo nagkita ni Steven sa Kamias?
Mike: Hindi nagkita na kami dati sa Angel's burger
Pauba: O? anong sabi mo sa kanya?
Mike: Ano..(taas ng t-shirt himas ng tiyan) tinanguan ko.

Simula nun, lagi ko ng iniisip paano kaya kung ang normal na pagbati ng tao sa isa pang tao ay hindi pag wagayway ng kamay? Paano kung paghimas na lang tiyan? yung tipong itataas mo pa yung t-shirt mo tsaka mo hihimasin yung tiyan mo kapag may gusto kang batiin, kasi napaka-impolite naman kung hihimasin mo yung tiyan mo ng may t-shirt haha. Pero syempre para yun sa mga kaswal na batian lang, dapat iba ang pagbati sa mga nasa mataas na pusisyon o kagalang-galang na tao. Para sa mga tulad ng CEO, Presidente, Col., General o simpleng mga teacher sa classroom dapat kakalabugin ng isang gumagalang ang dibdib niya na parang Oranggutan habang sinasabi ang kanyang pagbating salita haha

Teacher: Goodmorning Class!
Class: (sabay-sabay tatayo at kakalabugin ang mga dibdib) Goooood Morning Teacher!
Teacher: (taas ng blouse, himas ng tiyan) okay, you may now sit down.

Tapos paano kaya kung imbis na paglapat ng kamay ng matatanda sa noo natin ang pagma-mano, e pagsampal natin sa kaliwang pisngi nila na lang?

Bata: Lola! galing po kaming simbahan! pinagdasal po namin kayo! Mano po! (sampal sa kaliwang pisngi ni lola)
Lola: ay apo ko, napaka bait mong bata.

HAHAHA.

Naalala ko tuloy yung pinsan kong 6 years old na lalake, ang cool niya. Hindi siya yung angsty na feeling matanda na bata o yung batang sipsip sa mga matatanda, siya yung isip batang bata na hindi sumusunod sa society haha Lahat ng mga lolo't lola namin ayaw sa kanya, hindi siya mautusan, nuknukan sa kalikutan at hindi nagpo-"po" at "opo" maliban na lang sa mga ganitong klaseng pagkakataon:

(Sa loob ng sasakyan)
Lola Nida: Hmp! ano ba yan! ang baho! buksan niyo nga yung bintana! umutot na naman si Joshua
Joshua: HINDI AKO UMUTOT!
Lola Nida: Hoo! ang baho! talaga ikaw bata ka!
Joshua: Hoy Lola Nida! Alam ko po ang amoy ng utot niyo! Nagbabaho-bahuan pa kayo!*snicker*

Ang pinaka gusto ko sa kanya, hindi siya marunong mag sinungaling.

2. Nabubulok na ko dito sa kwarto ko. Apat na araw na kong di lumalabas ng bahay dahil sa bwiset na lagnat na dumapo sakin nung Wednesday. Hindi ko tuloy napasukan yung Poetry, Panpil at Weight Training class ko. (O diba Weight Training ang PE ko haha hindi ko ginusto yun okay, yun na lang kasi yung natirang PE) Puro na lang ako internet, napapadownload tuloy ako ng mga pampabigat sa computer tulad ng mga pelikula. Pero enjoy din pala, napanood ko uli yung mga pinapanood ko sa betamax at vhs nung bata ako. Napanood ko uli yung

House Arrest (1996) ito yung nilock nila yung mga magulang nila na gusto ng maghiwalay sa basement. Ang bata pa nun ni Jennifer Love Hewitt
The Man in the Moon (1991) at ang bata pa rin ni Reese Witherspoon
Matilda (1996) Matilda! lahat naman ata ng batang babaeng ka-edad ko napanood to.
Death Becomes her (1992) ngayon ko lang to napanood pero bata pa lang ako gusto ko na mapanood haha
Idle Hands (1999) okay sa HBO ko na to napanood nun! Pero kung ka generation kita, shit man IDLE HANDS!! haha
Casper (1995) ang bata pa ni Devon Sawa at ang pogi pa niya

Hindi mo ba namimiss yung ACA Video? Yung rentahan ng mga VHS, Betamax at Laser Disc noong 90's bago dumating ang mga pirata. Nung bata ako nagkaroon ng isang ACA Video na walking distance lang sa bahay namin. 6 years old lang ako nun, half day lang ako araw-araw sa school, kaya yung kalahati pang araw dun ko tinatambay kasama ng yaya ko. Every three days nanghihiram kami ng tatlong pelikula, ang paborito ko nun Richie Rich, Adams Family tsaka The Mighty Ducks haha basta mga ilang beses kong nahiram yun. Dahil din sa ACA Video kaya ang dami kong napanood nung bata na kung sa teknikal na aspekto mo titignan ay hindi ko pa dapat pinapanood hahaha. Hindi ko na rin maalala kung ano yung mga yun pero naalala ko yung SPECIES (1994) kung saan may babaeng naghubad tapos nag swimming siya tapos nakipaghalikan sa mga lalake, Heavenly Creatures (1995) na isang madilim na Lesbian movie at yung Piranha (1978) na ewan medyo may hubaran haha.

Trivia: Nung bata ako akala ko si Rosana Roces ang kauna-unahang babaeng nagpakita ng suso niya sa pelikula. Akala ko pumangalawa lang si Kate Winslet sa Titanic haha

Anyway, ang sarap ng feeling pag natapos mo nang panood yung tatlong pelikulang hiniram mo kasi ibig sabihin makakahiram ka na naman ng tatlo pa. haha Ngayon kasi, iba na ang buhay ang dali na lang magkaroon ng sariling ACA Video sa bahay o sa kompyuter. Pa dbd dbd o pa-torrent torrent na lang haha.

3. Happy Father's day nga pala at Happy Birthday sa kapatid ko, 16 na siya pwede na siya kumuha ng student's lisence sa driving. Kaya ayun niregaluhan siya ng mountain bike. haha labo. Ngayon na rin nagtatapos ang Gemini month. Yay! Cancer month na!

Rakenrol major in Reggae

2009-06-20T01:28:00.000-07:00

May gig ang dati kong banda na The Jeffrey zulueta Experience (Bea, Rea, Lea, Maya) sa June 23 sa Mag:net Katipunan! Manood kayo kung gusto niyo ng SOLID REGGAE EXPERIENCE.

1. Paano kaya kung may course na Rakenrol sa UP no? astig yun! tapos major in Reggae! haha. Yung mga majors, GIG 101, DROGA 17, BISYO 110, TUGTUGAN 40, DUBI 69 tsaka RASTA 74. Tapos sa future yun na yung indemand na course kasi malaki ang kita, lahat ng magulang gustong ipag Rakenrol yung anak nila. haha. Darating kaya yung panahon na yun? na sasaklolo ang Rakenrol sa mundo? Yung tipong kailangan pang pag-aralan ng tao kung paano maging ganoon kasi halos lahat ng utak sumurrender na sa mga computers (parang sa WALL-E haha). Tapos yung mga Rakenrol graduates babayaran sila ng gobyerno para lang magpaka-rami. Ang problema nga lang hindi magiging ganon kadali ang pagpaparami, kasi maraming namamatay. Hindi kinakaya ng katawan nila (lalo na pag nagduduty na sila sa mga gigs) yung yosi, alkohol, dubi at puyat. HAHA. Pero okay yun Raknerol na course!

"SUMA CUM LAUDE AB RAKENROL MAJOR IN REGGAE, Pauline Balba!" YAY! My parents would be so proud!

2. Re-gay.

May kuwento 'ko.

(Tiga Cordillera si Mitra tapos sobrang lalim ng boses niya parang laging nananakot. Isang malaking OTATS sa katawan ang damit niya. Kamukha niya yung may gusto kay Pocohontas na katutubo rin)

Bhava Mitra: Pauba, ano uling tugtog ng banda niyo?
Pauba: Ah, Reggae.
Bhava Mitra: Yung bakla tapos nagiging bakla ulit?! HAHAHAHAHAHA
Pauba: (shit nagjoke ba siya?!) HAHAHAHA

Part 2

Pauba: Ah joke pala a. Anong pagkakapareho ng TULA sa UTOT?
Bhava Mitra: Ano?
Pauba: Pareho silang galing sa...POWET!!! HAHAHAHAHAHA
Bhava Mitra: Alas-nuwebe na no? mga alas-sais ng umaga pag-gising ko, tawa kong konti.
Pauba: Akala ko pa naman polite ka!

Alam mo yung bandang KADANGYAN? ang lupit nila dude. ETHNIC PINOY ROCK. Panoorin mo. Maliban sa Bass at sa Drums, lahat ng intsruments na gamit nila ginawa lang nila, djembe, kubing, gangsa at isang malupit na ifugao guitar haha at kailangan mo silang mapanood ng live para sa mas malupit na experience. Ayan, yang nasa gitnang yan, yan si Mitra. haha

Napanood mo na? Ngayon imaginine mo siyang nagjo-joke. haha

Ang Tunay na Samahan, Ang Tunay na Kapatiran

2009-06-19T20:37:00.000-07:00

Ang CCF o ang Chocolate Cake Frat may disiplina may esteem! Walang hintayan, walang iwanan.

Ang Chocolate Cake Frat ay nagsimula at magwawakas sa kapatiran. Ito ay isang solid na samahan na binubuo nila Bea Fabros, Chup Redonda, Cheddar de Leon, Caren Constantino, Giselle Espino, Joni Yap, Justine Serrano, Lea Celestial, Rea Martinez, Tricia Velez at ng iyong lingkod. Sa isang primyadong paaralan sa highschool kung saan kami nag krus ng landas, sabay sabay naming natikman ang pait ng mga pader at ng mga bakurang alambreng pumiit sa aming diwa. Kaya't narito ang samahan binuwag ang sistemang dapat kalimutan, at ngayo'y patuloy na humihinga para sa kinabukasan.

WEH HIGHSCHOOL! HAHA Sino kayang Tibo?? HAHAHA

Franternitas Las Biscocho de Cacao. Beat that shit.